تاجين
جالي تاجين بس من زمان مش من زمان أوي يعني بس معلش إني أخرتهم ظروف والله،
.. التاج الأول ..
س1/ أعطيتك ثلاث وردات من هم الثلاث الأشخاص اللى هتعطيهم الورود اللى معاكي ؟
الوردة الأولى : أهديها لماما حبيبتي.
الوردة الثانية : أهديها لخالي سيد لأني بحبه جداُ.
الوردة الثالثة: أهديها لصديقاتي.
س2/ لو أديتيك ورقة بيها 3 سطور فقط و قلت لك أكتبي فيهم اللى أنتي عايزاه هتكتبي إيه ؟
اسأل الله العظيم رب العرش العظيم
الذي جمعنا في دنيا فانية أن يجمعنا
ثانيةً في جنة قطوفها دانية .. اللهم آمين
س3/ ما هو هدفك فى الحياة ؟
هدفي إني أكون ناجحة في جميع أمور حياتي وربنا يبقى راضي عني
س4/ "إن شاء الله بكرة هيكون أحسن من النهاردة "هل تصدقي هذه المقولة؟! ولماذا؟
نعم أصدقها لأنني مؤمنة بقضاء الله وقدره وأن أمور الغيب لا يعلمها إلا الله .
س5/ أجمل مقولة سمعتيها فى حياتك؟
ليـست الفرصة باباً يـفتـح لك بل هي خطوه جريـئة تقوم بها
س6/ مين المغنى اللى بتحبه أوى ؟
كتيييييييير بس أكتر مطرب/ة .. أم كلثوم
س7/ إيه أحلى أغنية بتحبيها ؟
أغنية عودت عينى لأم كلثوم
س8/ غزة " تمثل لك إيه فى حياتك ؟
تمثلي بلد هي وأهلها مظلومين وسينصرهم الله عما قريب
س9/ أعطى انتمائك لوطنك درجة من مائة ؟
100% بحبها وبموت فيها
س10/ لو تزوجت و أنجبت بنتين و ولدين أى الأسماء تختار لهم ؟
نخلي البنات ثلاثة : حبيبة و ملك و غيداء .
ونخلي الأولاد أربعة : مصطفى ومحمود وكريم ويس
س11/ عمرك غشيت في امتحان وانت صغير؟
والله يعني بصراحة أنا مغشتش قصد ، الأستاذة هي اللي دخلت اللجنة وغششتنا كلنا
وفي مرة غششت فيها زميلاتي .. ربنا يسامحني بقي
س12/ لو أتعرض عليك رشوة كبيرة و انت فى زنقة مالية هتعمل إيه؟
إن شاء الله مش هقبلها لأني بخاف من ربنا ومؤمنة بقدره
س13/ قول 3 صفات بـ 3 كلمات بس توصف بيهم شخصيتك؟
خجولة شويتين لما أقابل شخص جديد
عنيدة دايما لما حد يعاندني
بحب الصداقة الصدوقة
س14/ صفة عايزاها في شريك حياتك؟
بتمنى إنه يكون تقي وشجاع وغيور بس مش أوي ورمانسي ايه المانع !
س15/ ايه المجال اللى غير دراستك وشايفه نفسك فيه قوي؟
والله أنا لسه داخله أول ثانوي يعني لسه بدري عليا
س16/ بتحبي السفر ؟
بحبه لو مع أهلي ويكون داخل مصر
س17/ طب دلوقتى حالا إيه المكان اللى نفسك تكوني فيه؟
مصر .. نفسي ومُنى عيني أكون فيها حالاُ
س18/ تمرر التاج ده لمين ؟
مش عارفه بصراحة ، لأني شفته عند مدونين ومدونات كتير
آآآآآآآآه خلصت التاج الأول ...
.. التاج التاني ..
اكتبي 6 صفات كامنة داخلك لا يعرفها من يراكي لأول مرة ؟
بصوا أنا معرفتش أحل السؤال ده فخليت أختي ( Angel Love ) تقولكم الصفات ديه..
1- عنيدة جداً ومتشبثة برأيها.
2- شكلها صغيور خالص .. بس طويلة نعمل إية ..
3- ساذجة و ده اللي عاجبني فيها إلى حد ما ..
4- بتحب اللعب أوي .. عيلة ..
5- تعالوا نجامل آية شوية بقى عشان أنا كسفتها خالص .. سادس صفة إنها بصراحة بيصعب عليها جداً من أقل كلمة وبتفضل تعيط ( قال يعني البت حساسة ).
6- بتحب الكمبيوتر أوي لدرجة انها ممكن تموت أختها حبيبتها اللي هي انا عشان خاطر الكمبيوتر ... بس خلاص ..
ملحوظة من آية : على فكرة بقى عبير ظلماني على الآخر صحيح في حاجات قالتها صح لكن مبالغة شويتين بس يلا هعمل إية يعني أهي أختي الكبيرة بردوا ..
كلام في سركم ( حسابها معاية بعدين )..
This entry was posted
on الجمعة, أغسطس ٠٨, ٢٠٠٨
.
You can leave a response
and follow any responses to this entry through the
الاشتراك في:
تعليقات الرسالة (Atom)
.
2 التعليقات