السلام عليكم ورحمة الله وبركاته
بعد ماكنت خِلصت من المدرسة والواجبات وأخذت الأجازة
جيت النهارده دخلت مدونة Angel love علشان أشوف آخر بوست نزلته وأرد عليها...
بالمختصر المفيد لاقيتها حطه واجب ولازم طبعاً أعمله
لأني شاطرة ومش بليدة وهو عبارة عن سؤالين :
الأول: أكتب 16 صفة من صفاتي .
والثاني: أهدي الواجب ده للي عايز ياخده .
إجابة السؤال الأول
1/ بنوته تعشق الحياة .
2/ بحب أختي جداً لأنها طيبة.
3/ بحب الهدوء والجلوس لوحدي .
4/ عصبية جدا من أقل حاجة بتعصب .
5/ بحب الصداقة الصدوقة .
6/ مبحبش آكل كتير مع أني رفيوعة .
7/ بحب أمي وأمي التانية ( أم الدنيا مصر) .
8/ مبحبش الزعل والعتاب .
9/ مبحبش الفراق والوداع .
10/ أحيانا بحس إن دمي خفيف أوي وأحياناً العكس .
11/ بحب جدا كل داعية إسلامي لأني بتعلم من أسلوبهم مثال:
( عمرو خالد ).
12/ دايماً على نياتي علشان صغنونة ومليش تجارب في الحياة .
13/ شعنونة وطقة وبحب جداً الهزار .
14/ بحب المطبخ أوي وبحب أتعلم من غيري لو حاجة حلوة طبعاً .
15/ بحب أهلي جداً وبحب أرتبط بيهم .
16/ وكمان على رأي شعبان (( أنا بكره إسرائيل وبحب حسني مبارك ))
إجابة السؤال الثاني :
أمرر الواجب ده لكل اللي عايز ياخده .
ملحوظة تحفة : وفي الآخر أحب أقول إن الإنسان أية غير حاجات صغيرة فوق بعضها .
This entry was posted
on السبت, يوليو ٠٥, ٢٠٠٨
.
You can leave a response
and follow any responses to this entry through the
الاشتراك في:
تعليقات الرسالة (Atom)
.
22 التعليقات